[东方报]歐冠：拜仁主將蓄銳大展拳腳[09-10]

august

另一場歐聯焦點戰，德甲班霸拜仁慕尼黑主場出擊，迎戰挪超勁旅波杜基林特。拜仁打親歐聯都火力全開，遇上擅攻不擅守嘅波杜基林特，必定火星撞地球，大細中位數去到4.5球照撐大盤。（Now 643周五凌晨3時直播）

拜仁雖然日前聯賽畀史浩克04悶和0比0，但嗰場波正選收起晒哈利卡尼同米高奧利斯等鋒線主力，主帥高柏尼明顯吸取咗上季場場都搏命嘅教訓，轉個角度睇，卡尼同奧利斯留力打今仗，猶如猛虎出柙。事實上，拜仁劍指各項冠軍，不過歐聯卻係重中之重，佢哋之前6場歐聯狂轟21粒，其中4次開5球或以上，火力驚人。

波杜基林特火力猛吼埋7+
另邊廂，波杜基林特同樣崇尚進攻，唔單止喺挪超士哥頻頻，4場歐聯外圍賽法定時間獲2勝2和，合共攻入11粒，只係得1場冇失波，既然球風如此，就算今次造訪拜仁，佢哋都唔慌會玩死守，大家等睇入球騷。既然兩軍都有前冇後，不妨吼埋3.9倍嘅總入球7+。