[东方报]西甲：利雲特搶分護級唔會縮 皇馬半大好路數[05-12]

august

今晚西甲尾場戲碼，皇家馬德里主場迎戰利雲特。皇馬雖然提早於聯賽封王，戰意未必十足，但進攻火力仍不容小覷，今仗面對急需搶分護級嘅利雲特，兩軍隨時一開波就鬥攻，中位數1.5球半場大值博。

皇馬今季喺名帥安察洛堤帶領下，表現相當平穩，提前重奪西甲冠軍，球隊下一個目標，肯定係力爭歐聯封王。為留力應付同利物浦嘅終極對決，呢支西甲班霸喺餘下聯賽，勢必繼續進行輪換。

「銀河艦隊」後備有質素
「銀河艦隊」近期頻頻於聯賽派出副選上陣，上仗不敵馬德里體育會一役，就有捷西斯華利祖、盧連及盧卡祖域擔正，不過洛迪高高斯及馬高阿辛斯奧等人仍有一定數胡能力，而且基利安麥巴比即將來投，佢哋都要爭取表現，唔可以因此低估皇馬火力。

利雲特目前護級形勢水深火熱，急需搶分望逃出生天。呢支護級球隊表現雖然飄忽，但遇上前列強隊經常有驚喜，今季先後贏過馬德里體育會同維拉利爾，上仗更成功絕殺皇家蘇斯達，士氣大振。睇番利雲特近6次作客皇馬，全部半場開2球或以上，比賽早段踢得特別進取，今場隨時一開波就同「銀河艦隊」鬥攻，一於吼實中位數1.5球半場大。