[东方报]英冠：布力般有地利除根冇手軟[02-06]

十七号

英冠布力般流浪主場迎戰包尾魚腩韋根，前列分子布力般流浪雖然近況只屬一般，但整體實力始終佔優，加上近9場聯賽主場獲得7勝2負，今仗可望趁有地利優勢搶分。反觀韋根近6場聯賽只有1和5負，隨時再輸1場，簡單要主勝。

韋根近9場未贏過
布力般流浪近5場聯賽僅有1勝1和3負，但仍然排前列位置，爭入前6位奪取升班附加賽機會樂觀，球隊近期表現走樣，相信只係短期調整，不必太擔憂。事實上，布力般主場發揮一向穩定，近9場聯賽主場贏7場，加上剛於英足盃贏波晉級，亦有助提升士氣同信心，相信今仗有力再下一城。

至於韋根狀態持續低迷，而且管理混亂，會方上年11月炒咗領隊李察臣，請來科特迪瓦名宿高路托尼執教，但呢位球員時代曾效力阿仙奴、曼城及利物浦嘅著名中堅教波完全唔掂，領軍9場未嘗一勝，結果上月底都被解僱。韋根管理層仍未吸取教訓，請來年僅40歲嘅馬隆尼接掌帥印，呢位蘇格蘭昔日名將教波經驗尚淺，今仗首度帶領出擊，恐怕難有作為，捧布力般流浪主勝比較穩陣。