[东方报]意甲：防守升呢夠硬淨 維羅納細盤收素[02-06]

十七号

今晚意甲賽事，維羅納主場鬥拉素，兩隊聯賽排名差天共地，主隊深陷護級漩渦，反觀拉素仲有力殺入前4搶歐聯席位。論牌面拉素無疑佔優，但兩隊近況其實不相伯仲，維羅納主場硬淨，防守「升呢」下有力抵抗拉素進攻，2.5球嘅入球細更值得捧場。

拉素剛於意盃不敵祖雲達斯出局，依家以爭入聯賽前4做最大目標。佢哋近4場聯賽錄得2勝2和成績，尚算平穩，不過射手恩莫比尼陷入一個月入球荒，難免影響球隊進攻火力。加上佢哋作客踢法非常穩陣，近7場聯賽作客有5場保持不失球，今仗造訪維羅納，預計亦係先穩住陣腳再搵機會。

沙法朗尼上任執掂隊波
維羅納目前身處降班區，未計尋晚賽果同安全區仲有5分差距，不過自從新帥沙法朗尼上任後，球隊防守明顯得到改善，成績亦突飛猛進，連續兩場主場都贏2比0，對上5場聯賽僅曾不敵國際米蘭，5場總入球全開2球或以下。維羅納依家士氣高昂，主場出擊有力頂住拉素，入球細值得捧場。