[东方报]意甲：拖連奴托弗客W拉唔住[03-31]

十七号

周二凌晨意甲，近況低沉嘅拉素主場迎戰拖連奴。主隊近5場聯賽只得1勝，由原本前4分子跌出歐戰區之外，信心大受打擊，而且依家陣中傷兵滿營，睇唔到有乜反彈因素；反而拖連奴最近愈戰愈勇，冬季增兵後實力大大增強，今場有望反客為主，直取客勝。（周二凌晨2時45分開賽）

拉素殘陣士氣低落
拉素近5場聯賽4度失分，國際賽前最後一仗作客吞博洛尼亞5蛋，更對球隊士氣造成致命打擊，對上7場聯賽主場只得1勝。拉素今仗仲要殘陣出戰，首席射手卡斯迪蘭奴斯同中堅柏特歷加巴朗受傷缺陣，左閘紐奴泰華利斯亦因傷上陣成疑，中場馬泰斯雲仙奴又要停賽，拉素哀兵之下難寄厚望。

拖連奴季初成績差勁，但自從冬季轉會窗入啱貨後，表現大幅提升，北馬其頓翼鋒艾利夫艾馬斯上陣5場入3球，中場卡沙迪亦有1入球1助攻，拖連奴近4場聯賽取得3勝1和，迅速爬升至聯賽榜中游位置，兩隊氣勢同狀態都有極大差距，不妨進取啲博客勝！