[东方报]歐協：狐狸作客啞火細抗燕豪芬[04-14]

august

今晚歐協聯8強次回合，荷甲燕豪芬主場火併英超李斯特城。首回合打和0比0，雙方進攻效率都唔算高，加上燕豪芬近4場歐協聯僅一勝，主場出擊亦不宜高估。李斯特城喺占美華迪養傷下，近4場作客3次總入球開2球或以下，推介中位數2.5球入球細。

燕豪芬首回合踢得非常保守，全場只有5次射門，僅1次中目標，除因為作客唔敢亂嚟外，亦由於整體實力比唔上李斯特城，始終荷甲水平同英超有一段距離，今仗返主場出擊，理應唔會太過保守，問題係佢哋踢歐協聯表現平平無奇，近4場只得1勝3和，較難畀到人信心。

李斯特城近況麻麻
李斯特城首回合形勢佔優，但10次射門只有兩次中目標，可見喺占美華迪缺陣下，把握力大受削弱，球隊整體狀態亦未如理想，近6場比賽只取得2勝2和2負，單計作客更加係3場未贏過，今晚遠赴荷蘭未必搵到甜頭。既然雙方首回合打和0比0，形勢上均等，兩隊都唔想犯錯以免冇仇報，今場隨時一球定生死，細盤屬好路之選。