[东方报]英超：主場有保證般尼拆「紐」出生天[05-22]

august

英超末輪賽事仲會決定最後一支降班球隊，周日晚上兩支護級分子分途出擊，其中般尼將會主場鬥紐卡素。般尼地頭出擊發揮有保證，今場面對作客走勢低迷嘅「喜鵲」，有本錢靠主場優勢，搶得關鍵3分，主勝值博。

力爭連續7季征戰英格蘭頂級聯賽嘅般尼，賽前同排第18嘅列斯聯同積35分，僅以更佳得失球差成績壓過對手，想喺英超煞科日成功逃出生天，今場必須全取3分。

般尼雖然係今季英超攻擊力較差嘅球隊之一，但近4次主場出擊有起色，取得3勝1負，地頭表現夠硬。相反紐卡素近5場作客輸咗4次，只係贏過包尾嘅諾域治，睇好般尼靠主場優勢取勝。

列斯聯絕地「大」作戰
至於作客面對賓福特嘅列斯聯，雖然已經5場聯賽不勝，但戰意猶在，上場靠柏斯高史杜爾克臨完場前嘅入波，以1比1逼和白禮頓。列斯聯近4次作客3次開3球或以上，有膽色同主隊鬥攻，雖然有艾寧和丹尼爾占士停賽，但洛迪高同拉芬夏比洛尼等攻擊手質素依然值得信賴，呢場為搶分，列斯聯肯定會踢得更主動，中位數2.5球大盤好路。