[东方报]歐國聯：挪威態度認真唔赦瑞典[06-05]

august

歐國聯B4組第2輪瑞典同挪威合演「北歐打吡」，瑞典雖然主場出擊，但近期入波唔多，面對有艾寧夏蘭特壓陣嘅挪威，難有勝算。兩隊近年交鋒經常打和，挪威受讓平半要下盤。

瑞典上屆仍屬歐國聯A級聯賽，今屆降落B級賽事，上仗2比0擊敗斯洛文尼亞未能反映真實水平，隊中老將伊巴謙莫域重傷未有入選，新貴前鋒阿歷山大伊沙克今年演出嚴重缺態，國家隊賽事入球偏少，就算主場出擊，亦未必能攻破挪威大門。

近4次交手均和波
挪威自2000年以來從未出席過國際大賽決賽周，整體實力有待提升，近年雖然有艾寧夏蘭特及馬田奧迪加特等球星冒起，但始終未能出線世盃決賽周，連附加賽資格都攞唔到。不過佢哋每次踢國際賽態度認真，上仗作客1比0擊敗世盃決賽周球隊塞爾維亞，可見球員相當投入。翻查兩隊過去4次對壘全部握手言和，挪威受讓必捧下盤。