[东方报]世盃亞洲：澳洲阿聯酋細不兩立[06-07]

august

世盃外亞洲區附加賽今晚喺卡塔爾中立場舉行，阿聯酋火併澳洲。阿聯酋防守穩健，第3圈10場比賽僅失7球。澳洲喺一場過淘汰賽亦會謹慎，兩隊近6次交手全開2球或以下，2.5球入球細好路。

阿聯酋喺第3圈A組憑硬朗防守及穩打穩紮踢法，最終保住小組第3位置，取得附加賽資格。不過今次要爭取出線充滿挑戰，佢哋全由「土炮」組成，未經大賽磨鍊，即使能擊敗澳洲，仲要硬撼南美洲區第5名嘅秘魯，可謂難關重重。

近6對賽全開細盤
澳洲自2006年世盃已連續4屆打入決賽周，1966年至今歷來踢過9次附加賽，經驗豐富，隊中主力包括皇家蘇斯達門將馬菲賴恩、法蘭克福中場曉魯斯迪都有歐戰經驗，實力佔優。

今場一場過分勝負，預料雙方唔會亂攻，兩隊近年交鋒入球偏少，要入球細穩陣。