[东方报]歐國聯：丹麥為保榜首唔放過奧地利[06-13]

august

今晚歐國聯A1組榜首大戰，丹麥主場鬥奧地利。奧地利喺蘭歷克接手後雖有驚喜，但對親丹麥都腳軟，主勝手到拿來。

賽程頻密考起蘭歷克
「現代足球教父」蘭歷克儘管喺曼聯一敗塗地，但轉教奧地利後成功將逼搶理念植入球隊，今屆歐國聯頭3輪勝和負各一，面對上屆世盃冠亞軍法國同克羅地亞，取得一勝一和。不過呢種逼搶打法勁消耗體力，喺頻密賽程下更難維持，上仗對住法國領先後，下半場中段就換走有疲態嘅阿拿奧杜域及阿拉巴，最終末段被追和，「蘭Sir」亦無可奈何。

丹麥上仗佔盡優勢輸畀克羅地亞，連勝走勢告終，佢哋自從基斯甸艾歷臣病愈回歸後，進攻更流暢，況且丹麥現時只領先奧地利及克羅地亞2分，為保榜首不容再失。睇番近4次交鋒丹麥全部贏晒，包括今屆歐國聯次輪作客勝2比1，明顯格食格，加上佢哋近6仗主場贏5次，主勝咪錯過。