[东方报]歐國聯：荷蘭攻守兼備再恰威爾斯[06-14]

august

歐國聯A4組今晚有兩場賽事，分別為荷蘭主場再鬥威爾斯，以及比利時主場硬撼比利時。「橙軍」一向係威爾斯剋星，近4次交手全部贏波，包括上周用副選上陣，作客一樣補時絕殺「紅龍」，今場重返主場，用番正選威力更勁，絕對有力大數一場，捧荷蘭讓球主勝。

今屆歐國聯荷蘭表現非常對辦，3戰2勝1和，其實上場「橙衣軍團」主場鬥波蘭大有機會全取3分，只係迪比補時階段宴客，最終踢成2比2，但無損荷蘭繼續雄霸A4組榜首。

荷蘭領隊尹戈爾上任以來，球隊不單止保持不敗，而且攻力不俗，主張3後衞陣式，增加中前場壓逼，而且不論正選或後備球員，都擁有不俗數胡能力，尹帥自去年9月執教以來，荷蘭12場全部有入波。

上周歐國聯首循環，荷蘭作客威爾斯，尹戈爾輪換咗11名球員，仍以2比1擊敗威爾斯。威爾斯對住「橙衣軍團」以乎無計可施，而且佢哋喺A4組表現不濟，3戰只得1和2負，上場於主場逼和比利時1比1，先至取得今屆歐國聯第1分，今場復仇機會不大，荷蘭副選都贏2比1，喺主場唔數多兩粒，班正選咪好無面，放心捧讓球主勝。

波蘭比利時「大」作戰
至於同時間上演嘅波蘭主場對比利時，波蘭喺今屆歐國聯只得1勝1和1負，首輪反勝威爾斯2比1，次輪對比利時領先之下竟反輸1比6，上輪又被荷蘭逼和2比2，表現大起大落。不過上場收起王牌羅拔利雲度夫斯基，預計今仗會復出「尋仇」，何況波蘭近4仗主場均有士哥，其中3仗開3球或以上，可見主場出擊唔會龜縮。

另邊廂，比利時頭3輪歐國聯場場有失波，好彩鋒線依然銳利，最重要係夏薩特回勇，令箭頭盧卡古缺陣嘅影響減到最低，今仗隨時以攻代守，捧2.5球入球大更上算。