[东方报]歐冠：荷蘭打吡！生死戰燕豪芬格流和味濃[08-23]

august

歐聯附加賽次回合焦點大戰，燕豪芬主場惡鬥格拉斯哥流浪。首回合兩隊打和2比2，表現勢均力敵，今場生死戰兩隊踢法應該會比較謹慎，避免犯錯輸波冇仇報。燕豪芬近4場歐聯法定時間全部打和，不妨冷吼和波。（周四凌晨3時開賽）

荷甲勁旅燕豪芬由雲尼斯達萊執教，蘇超球隊格拉斯哥流浪主帥就係雲邦賀斯，兩人曾經係荷蘭國家隊戰友，對彼此非常了解，並同樣信奉荷蘭傳統足球戰術哲學，成為兩隊首回合打和嘅原因之一，預料今仗戰局唔會有重大變化。

格流穩守頂得住
值得留意嘅係，歐聯改例後唔會計算作客入球優惠，首回合和波令兩隊出線形勢均等，今仗一戰定生死，燕豪芬即使有地利優勢，估計亦唔會太冒進，以免被格拉斯哥流浪嘅反擊戰術偷雞。

格流跨屆近12場歐聯作客未贏過，包括上圈作客0比2不敵比利時球隊聖基萊斯聯，今仗面對實力更強大嘅燕豪芬，難免要採用穩守突擊踢法，今仗有望法定時間保持不敗。