[东方报]英超：周中快車乘勝追擊 車仔食住聖人[08-30]

august

車路士係今晚周中快車唯一上陣嘅Big 6球隊，佢哋將會作客修咸頓。車仔領隊杜曹及中堅高列巴尼復出，雖然干拿加歷查要停賽，但無損整體實力，加上佢哋對「聖人」特別易搵到缺口，近5次交手4次半場領先，半場客勝諗得過。

車路士上場主場鬥李斯特城，於杜曹及高列巴尼缺陣下，更有干拿加歷查早段兩黃一紅被趕離，仍然憑史達寧梅開二度，助球隊以2比1贏波，經過2場不勝後成功反彈，今場快車乘勝追擊，誓要全取3分。

車仔同修咸頓戰術，可謂南轅北轍，車仔主帥杜曹嘅傳控戰術，對住修咸頓領隊夏辛侯迪大開大合嘅踢法，可謂格食格，修咸頓嘅中後場提供大量空位畀車路士組織攻勢，近年對賽都好容易搵到缺口，近5次交手有4次車仔先入波，而且全部都係上半場已經入波。

修咸頓場場有失波
修咸頓啱啱喺主場不敵曼聯0比1，今季4場聯賽場場有失波，已經失咗8球，後防唔掂，容易被對手入波，相信今場面對要積極搶分嘅車仔，又會再次好快失波，半場客勝值得一試。