[东方报]歐冠：車仔以攻代守大盤手到拿來[09-06]

august

歐聯E組賽事，車路士作客薩格勒布戴拿模。車路士近期走勢波動，喺英超一場贏一場輸，表現飄忽，主要原因相信同後防人腳大變有關，不過前線加入史達寧仍保持水準，佢哋近6仗歐聯5次開3球或以上，相信今場多波入，入球大有計。

車路士今季換咗新班主保利，陣容亦大執位，其中影響最大相信係條後防線，魯迪格、馬高斯阿朗素離隊，新簽入嘅高列巴尼同古古列拿雖然都有一定水準，但似乎未建立默契，加上門將艾度亞文迪偶然失準，聯賽6場失9球，導致季初戰績不穩。

雖然車仔前鋒線同樣有迪姆華拿同盧卡古離隊，但佢哋喺球隊入球率唔高，影響不大，今季新簽嘅史達寧就有唔錯表現，目前已累積3球聯賽入球，今仗嚟到歐聯賽場，預計佢會繼續數胡。

薩格勒布戴拿模屬「有限公司」
薩格勒布戴拿模由第二圈外圍賽起步，實力肯定比唔上，佢哋近3次歐聯主場開3球或以上，至於車路士喺歐聯亦多波入，等睇入球騷啦。