[东方报]歐冠：曼城訪西維爾大開殺戒[09-06]

august

歐聯G組矚目大戰，英超勁旅曼城將作客西維爾，「藍月亮」近年一直以歐聯冠軍為目標，今季簽入「歐聯殺手」艾寧夏蘭特，令進攻如虎添翼，今仗面對防線穿窿嘅西維爾，絕對有力大開殺戒，捧2.5球嘅入球大好路。

逼搶戰術剋住西甲「技術流」
曼城上季歐聯4強出局，今季引入艾寧夏蘭特改變無鋒陣踢法，火力更加強勁，呢位挪威前鋒踢歐聯非常醒神，對上11場歐聯入咗13球，近4場賽事亦攻入8球，轉會後已極速融入曼城。曼城嘅逼搶戰術剋制西甲技術流踢法，近7次歐聯對西甲球隊拎到5勝，當中5場總入球開3球或以上。

西維爾雖然有歐聯踢，但陣容反而唔及上季，祖利斯古迪同迪亞高卡路士兩大中堅離隊，替補球員明顯唔夠卡士，上場聯賽就主場慘吞巴塞隆拿3蛋，今季4場聯賽1和3負，當中3場總入球為3球或以上，曼城有望「大」打落水狗。