[东方报]歐冠：紅軍傷兵多入球細醒里[09-07]

august

歐聯A組首輪大戰，拿玻里主場硬撼利物浦。拿玻里開咧後未輸過，利物浦不能大意，而且「紅軍」傷兵滿營，客場唔敢亂攻，加上近年歐聯碰頭例少交收，捧2.5球入球細乃明智之選。

拿玻里換血磨合需時
拿玻里開季頭5仗聯賽取得3勝2和，但要留意佢哋今季大換班，多名舊臣如梅頓斯、恩斯治尼、高列巴尼、法比安彭拿等離隊，因此接連借入拉斯柏度尼、尼當比利、基奧雲尼施蒙尼等新血，仍需要時間適應。而且拿玻里上仗意甲反勝拉素2比1，球員耗力不小，今仗就算有地利亦未必搶攻。

利物浦季前捧走社區盾後未好過，頭6仗聯賽只得2勝3和1負，最攞命係佢哋勁多傷兵，包括隊長佐敦軒達臣及堤亞高艾簡達拿，主帥高普上仗對愛華頓，索性畀打開翼鋒嘅法比奧卡華路移後打中場，點知表現欠佳仲傷埋。沙迪奧文尼今夏轉投拜仁後，牽一髮而動全身，貴價箭頭達雲紐尼斯仍未融入，王牌穆罕默德沙拿更連續3仗食白果，作客唔敢輕舉妄動。

查實兩軍都幾有緣，近4屆歐聯有2屆於分組賽碰頭，而呢2屆共4次交手，「紅軍」只得1勝1和2負，而且全開2球或以下，加上今仗只係首輪賽事，唔輸都收貨，入球細值博。