[东方报]歐冠：小讓平半！熱刺打爆士砵亭[09-13]

august

另一支英超球隊熱刺將會喺歐聯D組作客對戰士砵亭，雙方上輪分組賽都贏波，但論整體實力，英超勁旅熱刺無疑較強，而且季初已經操起狀態，近5場比賽取得4勝1和。反觀士砵亭表現飄忽，季初葡超Big３大戰淨吞波圖3蛋，打硬仗輸蝕，熱刺讓平半，上盤抵玩！

熱刺季初狀態已操起，猶記得佢哋季前拉隊去南韓集訓，全隊喪跑嘅壯烈場面，連出晒名體力托弗嘅孫興民同哈利卡尼都跑到嘔泡，所以依家全隊球員狀態一流，今季新加盟嘅巴西翼鋒李察利臣上仗歐聯梅開二度，佢同哈利卡尼、孫興民組成鋒線威力強大，今場作客都有本錢同士砵亭鬥攻。

進攻三叉戟愈踢愈順
講到防守方面，熱刺喺領隊干地調教下，慣用嘅穩守突擊發揮流暢，雖然佢哋放棄控球比率，有時候會畀對手圍攻，但熱刺勝在守得夠穩，再憑快速攻守轉換交畀前鋒三叉戟進攻，威力十足。

葡超球隊士砵亭雖然上輪分組賽作客以3比0擊敗法蘭克福，但佢哋水準有欠穩定，近4場比賽輸咗2仗，包括喺葡超0比3輸畀波圖，今場對實力分子熱刺，就算有主場都頂唔住，熱刺讓平半咁筍要得過。