[东方报]歐冠：不容再失！紅軍搶分大反擊[09-13]

august

歐聯A組大戰，利物浦主場對阿積士，「紅軍」上輪分組賽作客1比4慘敗畀拿玻里，防線暴露唔少漏洞，但為咗搶分爭出線，今仗都要焗攻。至於荷甲勁旅阿積士一向主攻，近4場歐聯作客取得3勝1和，其中3場總入球達4球或以上，可博中位數3.5球嘅入球大。

利物浦近期受傷兵問題困擾，導致成績欠佳，但上輪英超暫停，獲得喘息機會，加上中前場兩位大將迪亞高祖達、堤亞高艾簡達拿已傷愈復出，領隊高普今仗可排出相對較完整陣容搶攻，力爭全取3分，否則出線有危機。

不過「紅軍」防線仍有隱憂，中堅華基爾雲迪積克（VVD）狀態低沉，加上伊巴希馬干拿迪養傷，祖爾麥迪比復出後狀態不足，高普可能又要焗用祖高美斯擔正，但呢位後衞唔夠班踢中堅，導致上仗對拿玻里上半場已經落後3球，若然今場繼續由佢拍住VVD扼守中路，失波機會非常大。

阿積士踢法夠進取
阿積士今季失去名帥坦哈格，而且有多位主力離隊，但並冇影響成績，聯賽6戰6勝共轟21球，上輪歐聯更大炒格拉斯哥流浪4比0，必然想食住個勢，爭取贏埋處於弱勢嘅利物浦，為出線鋪路。睇番阿積士近4場歐聯作客合共入12球及失咗5球，踢法有前冇後，入球大咪錯過。