[东方报]歐冠：皇馬弗爆威比你睇[09-14]

august

歐聯F組次輪賽事，衞冕嘅皇家馬德里主場鬥德甲ＲＢ萊比錫。皇馬開季各項賽事7戰全勝，順風順水；相反ＲＢ萊比錫上輪分組賽慘敗畀薩克達後，急急腳換帥，雖然上場德甲成功止血，但今仗面對嘅係歐洲冠軍，偷雞機會微乎其微，主勝非常穩陣。

皇馬今季延續強勢，由歐超盃奪冠開始，7場賽事保持全勝，中場新兵曹亞文尼表現對辦，就算賓施馬因傷缺陣，雲尼斯奧斯祖利亞及洛迪高高斯等人足以填補其空缺，無論實力及經驗都遠高於萊比錫。

萊比錫剛換帥要適應
萊比錫上輪主場1比4慘敗薩克達腳下，教練泰迪斯高賽後落鑊，改由馬高路斯執教，上場聯賽總算反彈擊敗多蒙特，不過球員都要重新適應磨合，何況今仗有丹尼爾奧莫及高路斯達文養傷，攻守都受影響，相信凶多吉少。