[东方报]歐國聯：蘇格蘭烏克蘭悶戰捱細界[09-21]

august

歐國聯B1組榜首大戰，蘇格蘭主場迎戰烏克蘭。蘇格蘭目前3戰得6分排第2位，僅以1分落後榜首烏克蘭，要爭奪升班席位今仗不容有失，不過兩隊賽前都有核心人物受傷，今場未必可以發揮水準，隨時悶戰收場，博中位數2.5球入球細。

蘇格蘭隊長安德魯羅拔臣因傷未有入選，對球隊攻守實力構成極大影響，佢嘅助攻一向係蘇格蘭進攻殺着，依家好似自斷一臂。而且蘇格蘭球員本身都係「爛打型」，防守夠搏命但進攻創造力嚴重不足，今場要贏韌力十足嘅烏克蘭有難度。

辛真高受傷攻力削弱
烏克蘭喺世盃附加賽飲恨，但整體實力依然強橫，今屆3場歐國盃只失1球。烏克蘭有中場核心辛真高受傷缺陣，反擊能力會大受削弱，佢哋近4仗比賽有3場總入球開2球或以下，今場作客同組最強對手蘇格蘭，會繼續以守為攻，捧入球細相當穩陣。