[东方报]歐國聯：蘇格蘭訪烏克蘭大駁火[09-27]

august

歐國聯B1組出線大戰，烏克蘭會喺波蘭嘅克拉科夫擺擂台，再鬥榜首蘇格蘭。兩隊6日前曾經交鋒，蘇格蘭喺主場大勝3比0，今場兩隊要為升班資格而戰，肯定會盡情駁火，2.5球大盤值得捧場。

贏即出線唔會縮
烏克蘭雖有後場主將辛真高缺陣，但前線耶莫蘭高、耶梅卓克同超新星梅迪克組成三叉戟，仍然甚具睇頭，上場作客就5比0大炒阿美尼亞，今仗只要主場擊敗蘇格蘭，就可以反超前拎到升班資格，肯定會放膽進攻爭勝。

蘇格蘭作客亦都踢法進取，近4場作客有3場攻入至少2球，上仗2比1贏愛爾蘭後已3連勝，加上上輪對賽大勝烏克蘭，球員信心爆棚下唔會龜縮求和。翻查兩隊過去3次交鋒，總入球全開3球或以上，今仗再開2.5球嘅入球大機會極高。