[东方报]歐國聯：瑞士捷克細守城池[09-27]

august

護級關鍵唔敢冒進
另一場A2組尾輪賽事，瑞士主場迎戰捷克。兩軍雖然無緣爭出線4強，但仍然要為護級努力，不過瑞士及捷克入球能力一般，瑞士歐國聯5戰僅入4球，捷克作客賽事表現亦打折扣，近5作客只入3球，全部開2球或以下，今場捧2.5球嘅入球細好過。

A2組其實整體實力非常平均，4隊都曾經贏過波，勝負好睇踢國際賽當時嘅球員狀態同臨場發揮，今屆歐國聯集中喺6月頭啱啱聯賽完畢，及今次聯賽中間，唔多唔少都影響到作戰心態。

柏德列舒希克腳風欠順
瑞士及捷克踢法相似，都係踢整體及機動，瑞士雖然對上兩仗歐國聯曾擊敗葡萄牙及西班牙，但5戰僅入4球，攻力頗為疲弱，今場對住捷克可勝不穩。捷克雖有射手柏德列舒希克傷愈入選，更夥拍利華古遜隊友阿當荷路錫攻堅，不過佢哋3日前主場慘吞葡萄牙4蛋之餘，柏德列舒希克更射失12碼，明顯腳風欠順，而且捷克作客表現奇差，連同世盃附及國際賽在內，近5仗作客僅1勝之餘，只入3球，其中3仗更加交白卷，全部開2球或以下，今仗似乎捧入球細更好。