[东方报]英超：鋒線殘缺利物浦鬥錘仔捱細界[10-19]

august

利物浦日前1比0擊敗死敵曼城後，今晚再度喺晏菲路出擊，迎戰「錘仔幫」韋斯咸。8日內連踢第3場大戰，對於傷兵滿營嘅「紅軍」係體力大考驗，對住近況回勇嘅韋斯咸未必可以發揮強大火力，隨時悶戰收場，中位數2.5球入球細值博。

利物浦今季表現飄忽，全因傷兵問題嚴重，上仗苦戰下雖然一吐烏氣，憑穆罕默德沙拿一箭定江山，打破曼城今季金身，不過葡萄牙箭頭迪亞高祖達尾段受傷，連同較早前打柴嘅路爾斯戴亞斯，「紅軍」短時間內缺少兩位進攻主力，新兵達雲紐尼斯仍未適應英超節奏，搞到愈踢愈迷失，由佢掛帥信唔過，加上領隊高普上場領紅被逐，今仗要坐波監，亦對球隊臨場調動構成影響。

韋斯咸近期有起色
「錘仔幫」韋斯咸近期聯賽成績有起色，近3仗錄得2勝1和，充滿活力嘅踢法正正克制體能有問題嘅利物浦，造訪晏菲路將以1分做目標，再搵機會博偷雞，預料踢法會以穩為先。韋斯咸近4場聯賽有3場總入球為2球或以下，防線有力抵擋鋒線殘缺嘅利物浦，一於捧2.5球入球細。