[东方报]德甲：不來梅哈化和波追多鋪[10-28]

august

周六凌晨德甲賽事，雲達不來梅主場迎戰哈化柏林，兩隊開季表現都令球迷失望，目前齊齊排喺下游位置，為免繼續喺積分榜「下沉」，今場會以穩陣為先。雙方近期表現同樣缺乏贏波信心同質素，正宗海軍鬥水兵，今仗多數以「和」為貴，捧3.6倍和波。

雲達不來梅喺德甲連輸兩場，德國盃亦射輸12碼出局，隊長馬高費度上輪被罰紅牌，今仗要坐波監，球隊無論士氣同實力都大打折扣。今仗雖然叫做主場出擊，但不來梅近4仗主場只曾1勝，爭勝本錢明顯唔多足夠。

兩軍欠缺贏波本錢
作客嘅哈化柏林近期頻頻和波失分，近6場錄得1勝4和1負，上仗僅幸運地喺完場前2分鐘絕殺史浩克04，先至避免再一次和波失分，贏波過程欠缺說服力。翻查哈化柏林同不來梅近年對賽往績，近4季8次交鋒出現5次打和，證明兩隊實力接近，今次對賽「和」味十足值得再追。