[东方报]西甲：艾爾切基達菲鬥搶分和味濃[10-31]

august

今輪西甲壓軸上演護級大戰，包尾嘅艾爾切主場對基達菲。艾爾切係西甲進行咗11輪後，唯一一支仲未贏過波嘅球隊；基達菲亦唔係叻仔，近5場一樣未嘗一勝，今場正宗「海軍鬥水兵」，和波各取1分對大家都係理想賽果，現時和波個賠率亦低過3倍，擺明有計，一於直取和波。

兩隊近期多和波
艾爾切無可否認係差，不過佢哋近期表現已經有改善，近4場和咗3次，對手包括馬略卡、華倫西亞及愛斯賓奴，而且呢3場和波全部都有波入，唔係死守博0比0嗰隻，球隊心態明顯唔係等死，今晚遇上同級對手，球員自然識做，起碼拎到分先收貨。

基達菲目前排16位，同樣要搶分護級，佢哋近5場3和2負相當低迷，不過近3場對華歷簡奴、畢爾包及切爾達，都同對手不分勝負，叫做有啲起色，最慘係上場鬥切爾達，去到89分鐘先畀對手追和，相信今場作客唔會太過冒進，和波各取1分對大家都冇壞，2.8倍和波諗得過。