[东方报]歐冠：士砵亭鬥法福等睇入球騷[11-01]

august

歐聯D組另一場生死戰，士砵亭主場迎戰法蘭克福。兩隊同得7分，士砵亭以較佳對賽成績排次席，由於佢哋對熱刺亦1勝1和，今仗只要和波足以出線，但對於法蘭克福就係生死關頭，今仗破釜沉舟，法蘭克福近5仗作客4次開3球或以上，2.5球嘅入球大屬不二之選。

士砵亭今仗頗有優勢，分組賽首輪作客曾以3比0大勝法蘭克福，今仗關鍵戰坐擁主場之利，形勢上只須賽和亦可出線，集有利條件於一身，不過世事無絕對，佢哋一旦輸波即出局，上述咩優勢都係假象，而且「和波出線」隨時令球員作戰心態受影響，削弱爭勝決心，因此對該隊來說，最實際方法是全力搶攻，爭取贏波出線。

法蘭克福雙箭腳風順
至於法蘭克福，上輪2比1擊敗馬賽後保留出線機會，呢支上季歐霸盃盟主近期攻力大爆發，近6仗轟入15球，鎌田大地與寧斯特朗今季腳風順，前者近兩仗歐聯都有「士哥」，而且今仗形勢上許勝不許和，作客都會豁出去搶攻，令呢場出線之爭變「入球騷」都唔出奇。