[东方报]英超：白禮頓維拉 半場大演入球騷[11-13]

august

至於今晚英超早場，兩支季中換帥嘅球隊白禮頓同阿士東維拉對碰。白禮頓由樸達換上迪薩比後成績上揚，攻力維持，阿士東維拉重金搵嚟艾美利亦令球隊有驚喜演出，今場相信會係一場入球騷，捧1.5球半場大，45分鐘收錢。

白禮頓由迪薩比接手後，頭5戰雖然只得3和2負，但隨住佢摸熟隊波之後，最近3場錄得全勝，包括主場4比1大勝由舊帥樸達執教嘅車路士，迪薩比無特別改變白禮頓充滿娛樂性嘅踢法，尤其近4場全開4球或以上，半場亦全開2球或以上，鍾意睇入波嘅球迷大呼過癮。

維拉近期入球停不了
阿士東維拉搵艾美利返嚟英超，目標當然唔會係護級咁簡單，艾美利執教功力高過前領隊謝拉特多多聲，上輪聯賽艾美利首戰就擊敗曼聯，球隊全取3分後，其實同歐洲賽席位只有6分差距，下半季奮力追趕，唔係冇可能。事實上，自謝拉特離隊之後，維拉班球員生猛番晒，看守領隊教嘅兩場，加埋艾美利領軍兩鬥曼聯，同樣喪開入球騷，呢場投注入球大當然Ok，半場大賠率吸引更加可取。