[东方报]英足杯：熱刺樸茅大演入球騷[01-07]

august

今晚英足盃第3圈頭場，熱刺主場迎戰甲組仔樸茨茅夫。熱刺除咗爭前4，盃賽都係佢哋嘅射程範圍，啱啱周中大炒水晶宮，梗係食住個勢喺英足盃發圍，事實上熱刺近4次英足盃對非英超球隊都唔留手，3次開4球或以上，今場放心捧3.5球入球大。

干地手執一副好牌，有哈利卡尼、孫興民、基斯甸羅美路同洛里斯等，前中後3線實力平均，除咗歐聯入場券，都希望可以打破自2008年奪得英聯盃後15年嘅錦標荒。事實上干地都重視足總盃，上季半途執教熱刺入到16強，之前佢帶車路士，更於2017年及2018年兩度打入決賽，並於2018年稱王。

樸茨茅夫有望偷雞入波
熱刺世盃後近況轉好，周中以4比0大破水晶宮，今場英足盃係球隊食住上嘅好機會，熱刺近4次英足盃對非英超球隊都唔留手，3次開4球或以上，2019年更曾作客大勝燦美爾7比0。不過熱刺後防出現問題，近11場正式賽事10場有失波，而且全部失兩球或以上，樸茨茅夫或者有機會偷雞入番一粒，主W乏味轉捧3.5球入球大。