[东方报]英足杯：熱Ｗ冇肉食列斯聯大盤抵玩[01-18]

august

今晚英足盃第3圈重賽有列斯聯主場對卡迪夫城，兩隊上次交手，列斯聯半場落後2球劣勢下逼和2比2，可謂死過翻生，今仗返主場有機會反壓對手，不過問題係佢哋防守唔可靠，卡迪夫城不容小覷，主W唔穩陣，考慮雙方近年交手例多波入，2.5球入球大先係明智之選。

列斯聯近況頗差，對上一次贏波要數到11月初4比3贏般尼茅夫，世盃空檔前後7仗錄得3和4負未贏過，上仗聯賽作客阿士東維拉，開賽3分鐘就失守，下半場再輸多粒，直至末段先由班福特破蛋輸1比2，近3仗場場失2球，反映防線有漏洞，可惜領隊馬殊未能正視問題，成為爭勝最大障礙，今場列斯聯主W熱到得1.29倍捧唔過。

卡城勇銳有力駁火
卡迪夫城雖然排喺英冠下游，但上次對列斯聯表現唔差，一度領先2比0，只可惜左閘祖爾比根喺尾段領紅被逐，10人應戰之下先被列斯聯喺補時3分鐘扳平，否則已經爆冷晉級，而且佢哋近況唔錯，近7場只係輸過1場，作客列斯聯有能力入波，今場邊隊贏好難講，不過睇埋佢哋近5次交手4次開3球或以上，入球大走唔甩。