[东方报]英超：水晶宮迎紐卡素細均力敵[01-21]

august

上仗逼和曼聯嘅水晶宮，今晚聯賽主場迎戰另一前列球隊紐卡素。「新土豪」 紐卡素主力米基爾阿米朗近期腳風唔順，連帶球隊入波數字都減少，近5場聯賽4次總入球開2球或以下，一於博中位數2.5球入球細。

水晶宮近4仗不勝，不過近兩場對手都係勁旅，分別作客0比1不敵車路士，以及主場打和曼聯1比1，表現唔失禮，特別上仗對「紅魔鬼」，佢哋製造唔少具威脅攻門，只係欠埋門一腳，到補時先靠米高奧利斯射入罰球扳平，今仗遇上防守穩陣嘅紐卡素，想入波並唔易。

阿米朗啞火 喜鵲難入波
紐卡素經過連續兩場英超悶和0比0後，上仗踢到89分鐘先至入波，以1比0險勝富咸。「喜鵲」翼鋒米基爾阿米朗近況麻麻，呢位巴拉圭國腳曾於上年10至11月7場比賽入7球，但近9次為紐卡素上陣僅有1球進帳，其中近5場食白果，今晚作客水晶宮入波唔慌多，博細盤更划算。