[东方报]德甲：拜仁科隆入球騷賀新歲[01-24]

august

德甲歇冬完畢後即開快車，拜仁慕尼黑上輪作客被RB萊比錫逼和1比1，今仗回師主場力爭重響勝鼓。拜仁慕尼黑喺德甲實力超班，主場出擊更加唔會留情，今仗遇着啱啱狂勝7比1、信心爆棚嘅科隆，預料好大機會會開入球Show，博3.5球嘅入球大好路。

拜仁慕尼黑上仗和波後，已鎖定半季冠軍席位，不過失2分嘅結果絕對唔會令佢哋滿意，今仗返主場誓要大踢爭氣波，佢哋近4場聯賽主場最少入4球，對上5仗聯賽主場總入球全開4球或以上。喀麥隆前鋒祖普莫亭勇態持續，上仗攻入近7場聯賽第7球，以拜仁嘅恐怖火力，大勝絕對唔係問題。

科隆大勝後士氣正盛
作客嘅科隆歇冬後首戰製造驚喜，主場7比1狂數雲達不來梅，迪基斯、艾耶斯史基尼等攻擊手狀態弗爆，1月又簽入前鋒戴菲沙爾基加強火力，有望提升入球能力。科隆經歷大勝後士氣高昂，面對拜仁亦有信心偷雞，相信戰情會較為開放，有利入球Show開出。