[东方报]德盃：柏林聯托弗主場有堡證[01-31]

august

德國盃16強，柏林聯主場迎戰禾夫斯堡，柏林聯喺上屆德國盃殺入4強，佢哋歇冬後獲3連勝，依家排德甲次席，走勢強勁，今仗又有主場之利，主勝看高一線。禾夫斯堡今季聯賽曾不敵柏林聯，上仗聯賽又剛告輸波，加上近年德國盃成績麻麻，今場唔睇好。

柏林聯2019年升上德甲，近兩季殺上德甲前列，佢哋各條戰線都會搏到盡，唔會留手，上季出席歐協聯取得唔少經驗，德國盃又打入4強，今季喺歐霸盃分組賽次名出線，嚟緊附加賽將會對阿積士，聯賽排名更係愈打愈前，現時僅落後拜仁慕尼黑1分排次席，上場同市打吡戰2比0擊敗哈化柏林，目前士氣高漲，今仗有美國前鋒施爾巴特捷奧復任正選，力爭4連勝。

禾夫斯堡不敗斷纜洩氣
禾夫斯堡曾於2014至15球季捧走過德國盃，不過近年表現一般，只曾兩次打入8強，聯賽方面佢哋上季排12位，成績倒退，今季喺尼高高華執教下有復甦迹象，歇冬前後一度保持11場不敗，不過上仗1比2輸畀雲達不來梅而斷纜，睇番佢哋聯賽首循環作客柏林聯，喺下半場連失兩球輸0比2，今仗再度到訪柏林聯，再輸都唔出奇。