[东方报]英足盃：布力般格食格明搶客W[01-31]

august

英足盃第4圈重賽，伯明翰返主場再遇布力般流浪。布力般流浪上次早早領先，被伯明翰喺補時追和，今場唔會再大意，作客都會採取主動，佢哋近6次鬥伯明翰贏5次，而且實力及狀態都較佳，相信可以反客為主贏波晉級，客勝可取。

伯明翰近況曳信唔過
3日前對碰，布力般流浪下半場1分鐘已經入波領先到2比1，但就係拉唔開比數，最終畀伯明翰追和搞到要重賽，對於現時喺英冠排第5，要爭取升班嘅布力般流浪嚟講，確係加重咗負擔。

布力般流浪踢法進取，本身甚少和波，如果以聯賽成績計算，28戰14勝13負，只係和過1場，正正就係上場聯賽，即係話唔計最近兩場，佢哋之前27場聯賽未和過波，今場可以諗少一瓣。

其實無論牌面同近況，伯明翰都唔及布力般流浪，伯明翰喺英冠排19要護級，近7場只得1勝1和5負，而且對賽往績輸蝕，今場即使主場出戰都信唔過，寧願揀布力般流浪客勝。