[东方报]意甲：國米士氣高昂打吡戰攞A[02-05]

august

今晚意甲國際米蘭同AC米蘭合演「米蘭打吡」，國米愈戰愈勇重返聯賽次席，爭標仲未絕望；A米近期頹到冇朋友，防線崩潰下連場大敗，近3仗夾埋失咗12粒，難以抵擋死敵強攻，直取國米主勝。

國米季初頻頻失分，但近期已重回正軌，近5仗錄得4勝，包括殺入意盃4強，士氣高昂。箭頭拿達路馬天尼斯上輪聯賽梅開二度，今季聯賽已經有11球進帳，腳風非常順，呢位阿根廷國腳加盟國米後，7度射破A米大門，堪稱對手剋星。

A米3連敗頹到爆
上季意甲盟主A米踏入2023年後成績急插水，上月意超盃慘吞國米3蛋，之後兩場聯賽分別以0比4及2比5慘敗於拉素同薩斯索羅腳下，主將拉菲爾利亞奧上仗罕有擔任後備，會方解釋係身體疲勞，但據報佢受續約問題困擾，就算今仗復任正選，都未必發揮到最佳水準。難得死敵咁頹，國米梗係趁機踩多腳，順便搶分追趕榜首拿玻里，主Ｗ必捧。