[东方报]世冠盃：希拉爾士氣波半和益里[02-11]

august

世冠盃王者戰今晚爆發
今晚世冠盃王者戰喺摩洛哥爆發，大熱門皇家馬德里將同亞洲冠軍希拉爾爭冠。論牌面皇馬當然贏晒，不過呢支4屆冠軍經驗豐富，決賽場合唔會同士氣高昂嘅希拉爾硬碰，半場和值得一博。

皇馬喺4強大炒艾阿里4比1，戰果合理，但過程並唔輕鬆，要到完半場前一刻先憑雲尼斯奧斯祖利亞打開紀錄，呢球亦係皇馬近5場唯一一個出現喺上半場嘅入波。

皇馬深明留放之道
皇馬球員見慣大場面，深明留放之道，尤其希拉爾啱啱歷史性殺入決賽，球員士氣同鬥志爆晒燈，皇馬冇必要喺呢個情況下同對手鬥搶，拖慢嚟踢發揮實力優勢，先係正路做法。

希拉爾4強爆冷淘汰南美冠軍法林明高，反擊速度同銳利度都唔講得笑，前鋒韋圖及艾達沙尼腳風甚順，皇馬上半場自必步步為營。翻查紀錄，近6屆世冠盃決賽，有5場開半和，證明冠軍戰都係穩陣為先，值得再追。