[东方报]歐冠：聯賽無望全力歐戰 車路士受讓着數多[02-15]

十七号

歐聯16強首回合，多蒙特主場迎戰車路士。「藍戰士」冬窗期間瘋狂燒錢，喺英超爭標無望下，歐聯成為佢哋主要戰場，戰意唔使懷疑，加上佢哋近5仗歐聯作客4勝1負，往績有保證，車仔受讓平半必捧讓球客勝。

車路士新班主保利極度重視歐聯，由佢分組賽首仗不敵薩格勒布戴拿模，賽後立即炒咗杜曹可見一斑；雖然球隊喺聯賽接連失利，樸達仍獲班主支持並積極增兵，買入祖奧菲歷斯、梅迪歷、安素費南迪斯等高質球員，車仔同新埋班冇分別，近4仗雖只得1勝3和，但表現漸入佳境，4仗合共只失1球，加上歐聯作客往績理想，仍值得投以信心一票。

多蒙特最怕英超兵
多蒙特擁有祖迪比寧咸、馬高列奧斯、祖利安白蘭特等球星，射手施巴斯坦賀拿亦抗癌成功復出，近期喺本土賽亦獲得6連勝，不過喺歐聯表現就唔及車路士咁好，分組賽同另一英超球隊曼城同組，兩場交手僅得1和1負，再數佢哋近年對英超球隊都係輸多贏少，多蒙特對上一次擊敗英超球隊，要數到2014年9月贏阿仙奴，明顯有「恐英症」，今場對車路士亦難有好結果。