[东方报]德甲：多蒙特上盤手到拿萊[03-03]

十七号

今晚德甲獨腳戲上演前列大戰，多蒙特主場火併RB萊比錫。「蜜蜂兵團」氣勢如虹，豪取9連勝弗到漏油，為爭聯賽冠軍唔會留手，要贏狀態一般嘅萊比錫冇難度，讓平半必捧上盤。

與季初飄忽不定相比，多蒙特依家可謂勇達巔峰，自從復賽後各項賽事豪取9連勝，成為2023年歐洲5大聯賽中唯一喺各項賽事全勝之師，單計聯賽亦連贏7仗，依家追到同榜首拜仁同分，重燃爭奪聯賽冠軍嘅希望。要知道「蜜蜂兵團」上次稱霸德甲，已經係2011/12年度球季，之後畀拜仁締造史無前例嘅10連霸，難得呢支班霸今季頻頻失分，多蒙特梗係唔想放過良機。

萊比錫發揮飄忽
另一邊廂，RB萊比錫雖然位居第4位，只落後拜仁同多蒙特4分，尚有機會爭標，不過佢哋狀態一般，各項賽事近5仗只得2勝2和1負；尼干古傷愈後仍未重拾射門鞋，另一前鋒迪姆華拿則時好時壞，一向靠唔住。

「蜜蜂兵團」仍有卡廉艾迪耶美同尤素法莫高高養傷，好彩隊長馬高列奧斯同「抗癌勇士」施巴斯坦賀拿及時傷愈復出，賀拿喺前線嘅支點作用無人能代替，係復賽後連場報捷嘅關鍵，中場祖迪比寧咸依家弗爆，祖利安白蘭特近4仗聯賽場場有波入，包括上仗贏賀芬咸1比0一箭定江山，依家全隊信心爆棚，萊比錫實在好難擋得住。