[东方报]英超：森林穩健細盤愛得過[03-05]

august

今晚「雙紅會」之前，英超頭盤都有場搶分大戰，由諾定咸森林主場鬥愛華頓。森林近期主場成績堅挺，防守尤其穩健，已經連續8場聯賽主場保持不敗，當中7場總入球開2球或以下；「拖肥糖」火力疲弱毫無威脅，2.5球入球細穩開。

拖肥火力疲弱難入波
森林向來靠主場同穩守突擊食胡，自從哥斯達黎加門將基羅拿華斯1月加盟後，防守更為穩陣，強如利物浦、車路士同曼城都要喺佢哋地頭失分，近8場聯賽主場全部搶到分，慢慢脫離降班區。雖然佢哋上場作客韋斯咸淨吞4蛋，但返到主場截然不同，尤其對住愛華頓係護級「6分波」，更加不能大意，就算贏唔到都唔想輸波。

「拖肥糖」愛華頓現時護級形勢水深火熱，自從主帥戴治上任後，防守係就係穩陣咗，但同時間入球能力依然冇改善，主力卡維特利雲繼續養傷，馬奧比又腳頭無靈，近4場入得一粒咁大把，作客森林預料都係鬥磨博攞1分，入球細機會高唱入雲。