[东方报]英超：富咸夠硬淨賓福特焗獻細[03-06]

十七号

今輪英超壓軸，由兩支今季表現驚喜嘅球隊對碰，賓福特主場迎戰富咸。賓福特近11場聯賽不敗，富咸近10場英超亦獲6勝2和，雙方近況相近，而且兩軍都有機會取得下屆歐洲賽資格，正面交鋒唔輸重要過3分，預料會踢得保守，推介2.5球入球細。

今季富咸、白禮頓及賓福特成為「英超三小福」，分別排第7至9位，有力搶走下屆歐洲賽入場券，今場兩小福相遇，3分當然重要，但唔輸畀對方各取1分，比力拚輸波，似乎更合乎長遠利益。

艾雲東尼捲賭波案影響演出
賓福特由舊年10月底開始，近11聯賽獲5勝6和，成績好之餘失波亦少，如果計晒所有賽事，近6仗5次開2球或以下。王牌前鋒艾雲東尼陷入賭波醜聞面臨長期停賽，佢3日前反控足總洩密，雖然暫時未受審同停賽，但肯定影響到場上表現。撞正富咸近8場聯賽，亦有7次開2球或以下，今場主客和難估，宜向入球細埋手。