[东方报]欧国外：遇弱輪換葡軍細盤執到堡[03-26]

august

歐國盃外圍賽J組，盧森堡主場對葡萄牙，兩軍實力有距離，預料盧森堡會「泊大巴」死守，輸少當贏。葡萄牙遇弱或會輪換試陣，未必大炒對手。雙方7次對賽有5次總入球開3球或以下，可博中位數3.5球嘅入球細。（周一凌晨2時45分開賽）

盧森堡世界排名92位，整體實力當然唔及排第9嘅葡萄牙，但呢個歐洲小國近年足球水準提升，多位球員喺德國及荷蘭搵食，包括效力德甲緬恩斯嘅中場李安度巴列奴，以及慕遜加柏前鋒保格斯山齊士，人腳唔算太差。盧森堡踢法尚算硬淨，近6仗1勝5和保不敗，包括上仗歐國外作客和斯洛伐克0比0，主場未必大敗。

馬天尼斯剛接手觀察為主
葡萄牙上仗憑C朗拿度「起孖」，主場贏列支敦士登4比0。由於主帥馬天尼斯上任冇耐，預料遇弱會嘗試輪換，睇多幾位球員表現，目標只求贏波擸3分，既然客Ｗ冇肉食，不如轉玩入球細。