[东方报]欧国外：塞爾維亞搶開半場入球騷[03-27]

十七号

歐國外G組第2輪，黑山主場迎戰塞爾維亞。黑山首仗擊敗保加利亞，士氣正盛，今仗有力一戰。但論實力踢法進取嘅塞爾維亞始終較強，而且近2次對賽全勝，仲經常喺上半場就同對手駁火，近4仗半場3次開2球或以上，1.5球半場大值捧。（周二凌晨2時45分開賽）

黑山同塞爾維亞同樣由前南斯拉夫分裂出嚟，2003年曾以塞爾維亞及黑山名義出戰國際賽，但之後再解體為兩個主權國家，近年兩國關係緊張，互相驅逐對方大使，因此兩隊交鋒多少有啲「火藥味」，塞爾維亞繼承前南斯拉夫足球遺產，由史杜高域領軍，又擁有杜辛泰迪治、杜辛華荷域及阿歷山大米祖域等球星，歐國外首輪亦輕取立陶宛，今仗就算作客仍可睇高一線。

政治味濃黑山勢喪攻
然而兩國政治背景令今仗有打吡意味，主場出擊嘅黑山勢必搏命，佢哋歐國外首輪擊敗保加利亞，依家與塞爾維亞同得3分，如果踢出士氣唔係冇得打，預計兩隊都會拚盡，一開波就鬥攻，1.5球半場大博得過。