[东方报]英超：護級戰穩陣行先 韋斯咸旺半和再追[04-02]

august

今晚英超頭場上演下游對決，「錘仔幫」韋斯咸主場硬撼「聖人」修咸頓。兩軍都要搶分護級，必定穩陣行先，加上「錘仔幫」近6仗聯賽有5次半場打和，半場和不妨追多鋪。（Now 621周日晚9時直播）

未計今輪賽果，修咸頓排緊包尾，韋斯咸則排尾3，但佢哋只係相差1分，真係一場勝仗可將形勢掉轉。韋斯咸雖有主場之利，但箭頭施卡馬卡都有傷在身，米查利安東尼奧啱啱好番狀態成疑，難免影響攻力，而且主帥莫耶斯一向係穩陣派，面對呢類護級「6分波」經驗豐富，加上近6仗聯賽有5次半場打和，為免太早失波陷於被動，今仗必定謹慎行事。

修咸頓作客腳仔軟
另邊廂，修咸頓近期頻頻搶分成功，近4仗聯賽取得1勝2和1負，包括上輪主場激和熱刺3比3，無疑令護級重現曙光。不過「聖人」客場表現始終麻麻，近3仗聯賽作客只係錄得1勝1和1負，總共入得1粒咁大把，其中兩仗開半場和，可見佢哋客場初段都唔敢冒進，今仗造訪護級勁敵，更加會小心翼翼，半場和不妨再追。