[东方报]西甲：雙華對碰捧半和[04-03]

十七号

兩軍半場少入波
華倫西亞管理層近幾年不停換帥，又一直搵唔到球隊發展方向，一路因為有球隊比佢哋仲差，所以好彩未降過班，但今季真係有機會，今輪開波前排尾3，仲唔醒醒定定就真係玩完。華倫西亞近8仗輸咗6場，不過失球數字明顯減少，而且淨番嗰兩場都係主場1比0贏波，今次主場出擊，都會穩穩陣陣，贏波就最好，唔輸攞1分亦安慰。

華歷簡奴近4仗3開半場和
華歷簡奴季初搶咗唔少分，雖然近6場聯賽只得4和2負，但仍然排緊喺第8，同前列有啲距離，想爭歐洲賽入場券見阻力，但又冇護級壓力，冇乜方向下，球員心態都比較放鬆，唔輸就算，加上今場有後防重心巴利烏停賽後復出，防守會更穩陣，佢哋近4仗有3次半場都係開「0:0」。此外，亦有一點值得留意，就係華倫西亞同華歷簡奴近期上半場都少入波，華倫近8次上半場僅入兩球，而華奴則近5仗上半場有4次冇入波，睇嚟今仗揀半場和相當穩陣。