[东方报]意甲：沙蘭力坦拿求穩追半和[04-07]

十七号

今晚意甲頭場，沙蘭力坦拿主場硬撼國際米蘭。雖然睇落強弱懸殊，但沙蘭力坦拿近況唔錯，為搶分護級必定先做好防守，國米下周中有歐聯後顧，隨時勒住勒住，加上作客旺開半場和，不妨再追。（Now 638周五晚11時直播）

沙蘭力坦拿儘管只排第15位，但近5仗聯賽取得1勝4和未輸過，包括逼和AC米蘭1比1，為搶分護級盡顯鬥心，而且有「Sam哥」奧祖亞鎮守大門，防守穩陣咗唔少，預計主場出擊會繼續穩守打法，希望搶得一分得一分。

疲兵國米有歐聯後顧
另邊廂，國米近況低沉，各項賽事近5仗未贏過，日前意盃4強首回合，幾經辛苦之下先逼和祖雲達斯1比1，事隔兩日就要造訪沙蘭力坦拿，未回得切氣。何況下周中要喺歐聯8強首回合作客賓菲加，重要性不言而喻；而且國米客場例差，近4仗聯賽作客僅1勝，全部開半場和，今仗留力下初段會陷於膠着，半場和有計。