[东方报]英超：搶分力爭歐戰資格 紅軍乘勇速擒韋斯咸[04-26]

十七号

今季表現飄忽嘅利物浦，近期再有復甦之勢，仍然希望搶分爭奪來季歐洲賽資格，周四凌晨作客韋斯咸必定全力進攻。韋斯咸近況唔差，主場都會主動出擊，鬥攻之下「紅軍」嘅快速進攻更易搵到食，捧利物浦「第一隊入球」好路。（Now 623周四凌晨2時45分直播）

近3仗狂入11球
利物浦今季一直受傷兵問題困擾，但隨住前線傷兵陸續傷愈後，火力得到明顯提升，近3場聯賽轟入11球，穆罕默德沙拿、加普、達雲紐尼斯、迪亞高祖達等前鋒腳風極順，搶攻踢法效果顯著。利物浦仍未放棄爭逐歐聯或歐霸盃資格，今仗會乘住強勢繼續開火。

而韋斯咸近3仗聯賽搶到7分，不過仍然身處護級戰場，主場出擊必搏3分，佢哋主場防守唔算嚴密，近兩仗聯賽主場失咗7球，同利物浦對攻隨時自討苦吃。翻查往績，利物浦近13次同韋斯咸交鋒，有11次能夠先開紀錄，今仗必捧利物浦「第一隊入球」。