[东方报]英超：英超快車「決賽」 曼城格食格爆廠搶Ｗ[04-26]

十七号

英超爆發冠軍前哨戰，曼城主場迎戰阿仙奴。「藍月亮」近期氣勢如虹，歐聯淘汰拜仁殺入4強，英足盃亦輕取錫菲聯入決賽，聯賽又形勢大好，「三冠王」在望；反觀阿仙奴近期「自爆」連和3場，優勢蕩然無存，加上近7次交手曼城全部贏晒，熱捧主勝。（Now 621及611周四凌晨3時直播）

現時英超形勢逆轉，阿仙奴僅領先曼城5分但多踢兩場，主動權落喺曼城手上。「藍月亮」雖賽事頻密，但依然保持到極佳水準，特別係挪威鋒霸艾寧夏蘭特，近期繼續刷新入球數字，單計聯賽已攻入32球，尚差兩球就可追平舒利亞及高爾單季34球紀錄，係球隊爭標最強武器。

藍月亮爭冠經驗豐富
除了攻力強，曼城最大優勢係穩定性，同埋豐富嘅爭冠經驗，佢哋6奪英超，包括對上兩季封王，如果今季再次捧盃，將成為自2009年曼聯以來首支英超3連霸球隊，今仗對阿仙奴幾乎可以視為一場過決賽，雖然曼城和波都收貨，但對賽往績佔盡優勢，當然係贏波最穩陣。

阿仙奴抗壓能力不足
另邊廂，儘管阿仙奴現時專心喺聯賽，但偏偏喺關鍵時刻接連失分，連續3仗和波失分相當洩氣，反映小將抗壓能力不足，加上今季先後喺英足盃及聯賽首循環兩負曼城，今仗難予看好。