[东方报]英超：利物浦回勇大開殺戒[05-03]

十七号

富咸殘陣頂唔住
利物浦近期狀態回勇，數字上仲有機會殺入前4，而且要力保歐霸盃入場券，今仗迎戰富咸定必全力爭勝。利物浦復甦關鍵在於強大攻擊力，以攻代守踢法製造連場大手交易，今仗對住殘陣富咸必定會繼續搶攻，開3.5球入球大機會高唱入雲。（Now 622周四凌晨3時直播）

利物浦上場戲劇性4比3贏熱刺，延續近期大開大合嘅瘋狂踢法，近5場聯賽失咗9球，但全靠進攻銳利轟入17球，先至拎到4勝1和嘅強勁走勢。

近5場轟入17粒
穆罕默德沙拿、迪亞高祖達、加普同達雲紐尼斯都係頂級攻擊球員，踢出水準當然火力十足，加上喺晏菲路強大氣勢下，絕對可以踢出水銀瀉地嘅進攻，「紅軍」近4仗聯賽主場總入球全開4球或以上。

富咸季尾表現回落，近5仗作客1勝4負，合共失咗10球咁多，而且上仗輸畀曼城嗰場，更加損兵折將，中堅添列姆同中場安達斯彭利拿同告受傷，加上前鋒阿歷山大米祖域仍然停賽，既然球隊依家爭入歐洲賽機會渺茫，呢場風流波唔怕同利物浦鬥攻，今仗捧3.5球入球大好穩陣。