[东方报]西甲：打吡戰搶分護級 愛奴細阻巴塞提早封王[05-14]

august

今晚西甲上演「加泰羅尼亞打吡」，愛斯賓奴主場鬥巴塞隆拿。榜首巴塞今場贏波就提前奪冠，「愛奴」當然唔想畀同市死敵喺自己地頭加冕，勢必全力阻止對手開Ｐ。事實上愛斯賓奴踢打吡戰一向硬淨，雙方近4次交手，有3次總入球開2球或以下，可博中位數2.5球嘅入球細。（Now 632及611周一凌晨3時直播）

近兩次主場出擊冇失波
巴塞目前拋離最大威脅對手馬體會13分之多，重奪西甲冠軍只係時間問題，餘下賽事冇必要搏盡大炒對手，甚至乎今場失分，等下仗返主場再贏波奪冠，呢個「劇情」可能令球迷更滿意，難免令人懷疑巴塞今仗爭勝決心。另外仲有一點要留意，巴塞近期作客水準打折扣，近5場聯賽作客僅兩勝，包括悶和另一支護級球隊基達菲0比0，切勿高估佢哋嘅勝算。

目前排尾二嘅愛斯賓奴深受降班威脅，餘下5場聯賽要搏盡搶分，期望逃出生天，更何況今場係「加泰羅尼亞打吡」，為面子更加唔衰得。事實上「愛奴」以往遇上呢支同市死敵，往往踢高幾班波，近兩次對賽都能夠打和對手，雖然兩隊聯賽排名差天共地，但「打吡戰」強弱差距往往收窄，愛斯賓奴有力周旋到底。睇番佢哋近兩仗主場都冇失波，防守並唔太曳，2.5球細盤值博。