[东方报]歐協：費倫焗攻大起巴素利[05-18]

十七号

歐協聯4強次回合，瑞士勁旅巴素利主場迎戰費倫天拿。巴素利首回合領先2比1，今仗返主場可以大踢最擅長嘅穩守突擊戰術，對住以搶攻為主嘅「紫百合」會開放鬥攻，博2.5球嘅入球大好穩陣。（Now 646周五凌晨3時直播）

巴素利力爭成為首支殺入歐洲賽決賽嘅瑞士球隊，今屆表現相當唔錯，主攻踢法亦有姿勢有實際，佢哋今屆歐協聯9仗主場，有8場最少能夠攻入2球，快速反擊同死球戰術極具效率，首回合領先對佢哋今場踢反擊戰大有幫助。

首回合落後踢得更進取
費倫天拿首回合贏形勢輸波，只因把握力欠佳，製造攻門機會冇太大問題，倒戈嘅巴西前鋒亞瑟卡比爾更加係歐協聯射手榜第1位（7球）。費倫天拿今屆以攻為守，近12場歐協聯賽事，有11場總入球開3球或以上，今仗要收復首回合落後失地，將會踢得更加進取，開2.5球嘅大盤機會極高。