[东方报]欧国外：地頭龍奧地利當瑞典冇到[06-20]

十七号

F組另一場賽事，由奧地利主場鬥瑞典，力爭連續3屆打入決賽周嘅奧地利，喺「逼搶之父」蘭歷克領軍下今屆歐國外開局表現強勢高踞榜首，而且近3仗主場全勝，今仗主場出擊值得重視，對手瑞典近年表現飄忽，而且作客係弱項，今次作客奧利地凶多吉少，主勝不容錯過。（周三凌晨2時45分開賽）

前曼聯主帥蘭歷克去年接過奧地利帥印後，球隊表現愈見進步，佢哋去年底友賽擊敗意大利，今年初歐國外先後戰勝阿塞拜疆同愛沙尼亞，上場作客又以1比1賽和小組出線頭號勁敵比利時，現時在F組3戰得7分高踞榜首，今仗對住另一出線對手瑞典，肯定唔會鬆懈。

主場3連勝共入8球
預計蘭歷克將沿用賽和比利時原班陣容，上仗100次為國家隊上陣嘅隊長阿拉巴，將繼續統領防線，曼聯中場沙比薩則繼續先列後備，隨時候命搏殺；奧地利主場累積3連勝，共入8球，挾賽和比利時餘勇回師主場出擊，有力全取3分。

瑞典人腳唔差，攻擊線有艾蘭加、阿歷山大伊沙克同古路施夫斯基，後防由隊長域陀連迪路夫鎮守，但佢哋喺國家隊表現平平，歐國外主場首戰即狂吞比利時3蛋，要保住出線資格，今場能否搶分非常關鍵，不過球隊最大問題係作客唔掂，唔計友賽，佢哋近7仗作客1勝6負，今仗到訪奧地利，恐怕難以全身而退。